اياد السماوي ... حارف رويسة

بعد ندوة اقيمت بالبيت العراقي تعجبت من طرح اياد في مسألة عادة المالكي لرئاسة الوزراء لأربع سنوات قادمة وكان دفاعة مستميتا لدرجة انه اضطر الى الدرجة والتشقلب في الطرح لاجل الوصول الى محاولة اقناع الآخرين باحقيقة الهالكي بالكرسي المقدس الى ان اضطر وتحت بديهية حكم القوي على الضعيف ان يذهب لجلب اطفاله من المدرسة في التي يدرسون فيها بالدنمارك بينما من يدافع عنه حرم اللالاف من الأطفال العراقيين من ان يذهب ابائهم لجلبهم من المدارس بالعراق بحكومته الطائفية وصولاته الكارتونية .. وقد اضطر أياد الى ان يقلب الأمور بكرك الطائفية ونظرية الماكوا بديل ومركتنه على زياجنة .. لكني بعد قرائة مقالته في كتابات لصاحبها اياد الزاملي الذي يرفض ان ينشر لي استنادا الى قانون التغريد خارج السرب تأكد لي ان أياد السماوي حارف رويسة ... راح تسألوني شنو حارف رويسة وراح اسولفه الكم
يحكى ان احد المعممين قد اعجبته امراءة فلاح بسيط من فلاحي السماوة حينما شاهدها وهي تملء الماء من الطرمبه وقد بلل الماء المسكوب من الدرام الذي تحمله على راسها قسم من جسدها الممشوق .. فارقته كثيرا لدرجه انه اصبح يصلي وهو مجنب لكثرة تفكيره فيها ... وفي احد الايام واثناء مراقبته لهذا الفلاح البسيط الساذج ليتصيد له الزلة رائاه وهو يتبول باتجاه الجنوب ... فزعق باعلى صوته ماذا فعلت لقد ارتكبت كبيرة من الكبائر لقد هدمت الاسلام واثرت غضب الله .. فذهل هذا الفلاح فقال له يمعود سيدنا دخيل بخت جدك ما تكلي شسويت ... كلة بوية انته ارتكبت كبيرة من الكبائر انته تبولت باتجاه القبلة ... وهنا سعق الفلاح البسيط مولاي دخيلك وباس يده مولاي حلياهه ... كلة بوية هاي ما تنحل انته هسة مرتك حرام عليك لاوم تطلكهه هاي تعتبر انته مطل كمرتك ثلاث مرات وما ترجعلك الا تتزوج محلل .. انطلت العبة على الفلاح البسيط فاخذ يتوسل بالسيد مولاي دخيلك شلون منين الكة محلل ومنو الثقة الي ازوجهه الة كله هذا عقاب الله عليك فقال له الفلاح زين مولاي دخيلك صير انته المحلل ... فتبسم السيد وقال بخبث يلة شاسوي امري الى الله راح اقبل على مضض ان ان اكون محلل لزوجتك ... تزوجها السيد وبعد فترة جائه الفلاح فقال له مولاي شو ما طلكت المراءة حتى ترجعلي ... كلة بوية صدك جذب اني المراءة عجبتني وما اريد اطلكهه .. فقال له الفلاح سيدنا مو احنة أتفقنه كلة أي أتفقنه بس اني رجعت باتفاقي وهنا فطن الفلاح لمكيدة السيد له فقرر الانتقام منه وبقى يراقب السيد لكي يحصل منه على غلطة يرجع بها امراءته .....
وفي احد الايام رأى الفلاح البسيط السيد وهو يتبول بنفس الطريقة باتجاه الجنوب .... فرقص الفلاح طربا املا في استعادة زوجته فمسك المعمم من علباته وكالة هاي سيدنه هسة انته مرتك طالق لان بلت باتجاه القبلة .... ضحك المعمم وقال له انته غير غشيم بوية اني صدك كاعد باتجاه القبلة لكن اني حارف رويسة وبداء بالضحك وهنا شعر الفلاح بغم كبير فنزع نعاله ودك على راس السيد ...
فيا اياد السماوي مو يقولون عليك خوش وليد وابن أجاويد جا حتى علينه تريد تطبق حارف ارويسة .... جاي تكول ,, أي هي الحادثة حصلت بس مو بهل ثخن شوية اخف تريد تفرهه علينه جا شني اياد نكلة ناكليك الجماعة تحل السالفة بمكانهم وتلغمطهه الهم شني بوية بوية المراءة علوية وبت الزهراء جا هاي هم تريدنه نسكت عليهه .. كلبتوا الدنيا من الف اوربعمائة سنة على جذبه الباب والبسمار ومن ذاك الوكت لليوم انتم تذبحون بالعالم انتقاما لبسمار الباب .. وهسة مصلخين بت الزهراء بالشارع وبالعرصات ويجي المسيحي يسترهه ... شمالكم بوية وكعت الغيرة عدكم فرد نوب
لا وجمالة جاي يكحله عماهه يكول وقد قام مجهولين بالاعتداء على زهراء يعني هم زين منك تعترف بوجود اعتداء بس هاي المرة الاعتداء من مجهولين .... اشوي مما تكول صداميين بعثيين تكفيرين ارهابيين لان تعرفهه ما ترهم بعثيين وعدهم سيارات دفع رباعي حكومية وبدون ارقام وجامهه مظلل وينزلون مسلحين بالعرصات تحت انظار السيطرات وفيلق بدر وينزلون مرة من سيارة اجرة بالشارع ويوكعولهه جلاليق ودفرات وبااخامس مسدساتهم ومحد يحجي وياهم جا هاي هي ربطت ومات الدوشيش والدور جهار بيد المالكي .. لا وفوكاهه رائد بالمرور يحلك السيارة ويشوفه تدخل من بوابة مجلس الوزراء خوش بعثية ذولة ههههههههه ... جا وين الغانون وين دولة الغانون ووين رجال الغانون بس رجال الغانون فالحين يدكون لطميات بالسيطرة .. خايب جيرة وخفت يا اياد السماوي ويا من تدعمه يا اياد السماوي ..
كاعدلي بالدنمارك ياكل جبن كرافت ابو القواطي ويشرب حليب سباع ويحجيلي على الي صار بالعرصات بالمناسبة تندلهه للعرصات وين صايرة لو انته كبل من السماوة لرفحا للدنمارك سيدة وعدل .. من غم الوكت الي بيه اياد السماوي يصير كاتب لا ويتهجم على الي فضحوا الحادثة ولم يقبلوا بان تهان ابنه الزهراء العراقية في شارع ويهتك سترها بل وتنتزع ملابسها بالشارع ... أمنت بالله (( يا أيها اللذين آمنوا إن جاءكم فاسق بنبأ فتبينوا أن ....... ألآية )) يلة كلي منو طلع الفاسق هسة .
بس هم يبعد اخوك اتذكر هاي الاية (( إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ )) [النور : 23]
هاي الي يرموهن بالكلام والافك طيب الي يسلخوهن بالشارع شلون وياهه ظرف مشدد للعقوبة انه زهراء ابنه فاطمة الزهراء يعني خصيمك يوم القيام ام الزهراء يا اياد السماوي .... وَكَذَلِكَ نُوَلِّي بَعْضَ الظَّالِمِينَ بَعْضاً بِمَا كَانُواْ يَكْسِبُونَ [الأنعام : 129]
فقد ظلمت نفسك وظلمت زهراء وظلمت العراق بتسترك ومحاولتك تميع ما حصل لتلقي التهم جزافا على غير المجرم الحقيقي وفقدت المصداقية يا اياد السماوي حينما تتستر على مجرم ... املا في حطام من الدنيا تستحله او مال من السحت تستقضيه منهم
ان هؤلاء من تتستر عليهم !!! هم من اتخذ مال الله دولا وعباد الله خولا وأعيدك الى قول سيد المتكلمين الامام علي عليه السلام :
أَلاَ تَرَوْنَ إِلَى أَطْرَافِكُمْ قَدِ انْتَقَصَتْ ، وَإِلَى أَمْصَارِكُمْ قَدِ افْتُتِحَتْ، وَإِلَى مَمَالِكِكُمْ تُزْوَى ، وَإِلَى بِلاَدِكُمْ تُغْزَى!
انْفِرُوا ـ رَحِمَكُمُ اللهُ ـ إِلَى قِتَالِ عَدُوِّكُمْ، وَلاَ تَثَّاقلُوا إِلَى الاَْرْضِ فَتُقِرُّوا بِالْخَسْفِ، وَتَبُوؤُوا بِالذُّلِّ، وَيَكُونَ نَصِيبُكُمُ الاَْخَسَّ، وَإِنَّ أَخَا الْحَرْبِ الاَْرِقُ، وَمَنْ نَامَ لَمْ يُنَمْ عنْهُ، وَالسَّلاَمُ
وبعد هذا هل يوجد كلام يا اياد انظر ما كتبته البي بي سي
http://www.bbcagency.co.uk/iraqzahra3.htm
عاجل.....الحكومة العراقية ترضخ لمطالبات بالتحقيق حول الاعتداءأحمد نوري المالكي ابن رئيس الوزراء العراقي على اعلامية عراقية وتعريتها
http://www.youtube.com/watch?v=tk2Jw9336Qs
حفله داعره للمجاهد أحمد نوري المالكي وصهر المالكي وحارسه الشخصي المدعو أبو علي الاصفهاني
وبعد هذا تقول انها كذبه بل الكاذب انت ومن يحاول ان يحرف رويسة انت وليكن بعلمك وبعلم من هو على شاكلتك ان ما ينطلي على الفلاح البسيط في السماوة ومايقوم به المعممين من الاعيب وخداع للشعب وروزخونيات قد كشف ولن ينطلي عليهم بعد فلا مكان في العراق لمن يخدع الشعب ولا مكان للساقطين
واتمنى ان توصل لمن تدعمهم رسالة الشعب العراقي ان من لم يستطع ان يربي ابنه على الأخلاق لايصلح لقيادة شعب فخل يمش بوزة ببوابة المنطقة السوداء .
رابط مقال اياد السماوي
http://www.kitabat.com/i61663.htm